Siilvium Nunaŋani Niġrutit Annaumaaġviat

Siilvium Nunaŋani Niġrutit Annaumaaġviat (Naluaġmiutun: Selawik National Wildlife Refuge) annaumaaġvauruq Uariŋam Iġġaat-ni Salliñiq Alaaskaġmi. Inillaisuktuq 1980-mi.

Tunŋavigipluta tamatkuniŋa qaunaksraptitnik suli piqatigipluta Siilvium niġrutinun annaksimaaġvian nakuqsilaaġlugu suli qaunagilugu igliqtillugu suaqłuilaakun taavruma Siilvium kuuŋan salumaluni taunuŋa paaŋanun suli Kuuvaum paaŋani.

Qaliutlu aŋŋutitlu iñuusrugaaġutiŋ, iñugiaksilutiŋlu innayaqtut salumaruami iñuuviŋmikni, suli taamna aŋuniałiq, irrusriq suli aliasrunġisaałiq piviqaġuni. Taatna qiñiqquuraaġlugu suli savaagiyusrilugu, taimma tamanna nuna ittaunġiġuta qaunagigisigikput sila atlaŋułhani. Taamna nuna nautchigisiruq ilagiillautaġuta nunaaqqiurani suli nunaaqqiuram aŋalataiñi, tamaaniġmiunik. Tamaakŋaqtanik, tamaunnaaqataqtuanik, ilisimarit, qanimi nunaligaat, suli atlat nakuuniaqtitchiruat tamatkuniŋa, piŋŋaaruat sumun tikitpan nunaaqqiq unniiñ ilisautrilutiŋ sumik atuġnakkaptitnik, suli igliqtitchilutiŋ itchumiñaqtuamik piññaktaaksraŋatnik kiñuviaġiich nunaqativut. [1]

Tikisaksrat edit

Sivulliq tikisaksraq edit

Iñugiaktinniaġlugich atlakaaġiich qaluich suli niġrutit suli irvigisruukkaŋich tamanna annaksimmaviatni nunami, manna kimmutigilugu iłuatluguni ittuksraq avativut suli Nunavut.

Tuvliq edit

Napallugu suli pitchuksaaġutigilugu puyiasinniałiksraŋa tamanna imiq kuugum suli qalliviich ittuat annagviŋmi tarani.

Piŋayuat edit

Piviksriġlugich suli pitchuksaaġlugich tarani iñuuniaqtuat aŋuniaġutiŋ katitchiñiaqtuksrat tarani annagviŋmi.

Sisamanat edit

Piviqaqtillugich avakŋ aggiqsuat suliaqataaġutiŋ piññaŋniaqtuamik qiñiġiaqtauluni aŋuniaġutiŋ, qaluŋniaġutiŋ qiñiqtuaġutiŋ, agliutruġutiŋ, nakuqsilugu iluqiatñi iglaatlu tamaaniġmiutlu.

Tallimanat edit

Piviqaqtillugich, pitchuksaaġlugich ilitchuktuat ilisautilugich taluġnałhatigun makua niġrutit suli iñuuniałiqput maani nunaptitni suli avatiptitni.

Itchaksrat edit

Taatna ittillugu tugluaqsimaaġlugu iñuuniałiŋat qaŋavak taimakŋa tarani iñuuniaqtuat annagviŋmi.

Tallimat malġuk edit

Tugluaqsimaaġlugu suli napallugu ilumutun uqałiksraqput katiluta uqaaqsiyupta tamarrumuuna nunakun Qaunaksriqatiuptitnun taavakŋa ittuaniñ, naaqaa maliġutaksraptitni savaktuat, unnii iñupiaqatiuptitnik. Naaqaa makua Qaukłiuraġikkavut nunaaqqiuraptitni. Suli tamatkua sunik tasramma napapchiañiaqtuat.

Tallimat piŋasut edit

Sivunniuġuta qanuġli iñuuniaqsałiksraptitnik uvva silavut atlaŋuqman maani iñuuniaġviptitni.

Pautat edit

  1. https://ecos.fws.gov/ServCat/DownloadFile/18551